姪女係面簿留言:
留住 溫度 速度 溫柔和憤怒 凝住今日怎樣好 捉緊 生命濃度 坦白流露 感情和態度 停下時光 靜止衰老
八十後詞窮唔識講，用歌詞，幾唏噓．
老夫搭嘴:
全部當無到 只望死神 跌倒 希望壽星 留步
－－－－－－－－－－－－－－－－－－－－－－－－－－－－－－－－－－
姨甥就更差，一個〔霞〕字．
不過聽講較早前佢係醫院成個淚人咁，算佢啦．
唯一不可原諒既係請食飯都唔通知一聲，又減番分．
－－－－－－－－－－－－－－－－－－－－－－－－－－－－－－－－－－
愛妻說今天去探二妹，帶的乜野好．
囡囡搭嘴：〔朱古力啦〕
囡囡最鍾意食巧克力，要把自己喜歡的送給姑姑
－－－－－－－－－－－－－－－－－－－－－－－－－－－－－－－－－－
姨生女探完病，係面簿度問佢狀況如何，竟然答曰：〔正常囉〕．
老夫話：〔你正常啫, 佢點呀?〕
佢就講：〔唔好問我啦...我都唔識分咩狀況〕
問佢：〔有無喊？〕．佢話：〔唔知〕
呢個姨生女乜唔係讀傳媒既咩？點解佢畢到業？
－－－－－－－－－－－－－－－－－－－－－－－－－－－－－－－－－－
真係同的八十後接軌不上，代溝好大．
唔知係我多嘴定佢地慎言．
無論點都好，其實大家都咁關切心痛，表現形式唔同啫．
沒有留言:
張貼留言