壹歲兩個月大
兩歲三個月大
2009年2月23日 星期一
點滴
囡囡除了懂得爸媽的名字外，其語言能力，自我表達及抽像思惟也進步不少。而且她也學會表示自己的情緒及喜惡。囡囡的語言能力進步了，自然與父母的溝通也強了。她的表現很多時都會帶來很多驚喜。
這陣子天氣反覆，她又流鼻水，晚上更有點咳嗽。醫生開了多種葯水，當中止咳水的味道大概是比較苦，每次食葯，囡囡都會抽出咳葯水說：《苦呀，唔食呀。》當不想返學時更說：《流鼻涕，唔返學》。
愛妻為囡囡做了張行為表，每有好表現，便給囡囡貼紙，讓她自行貼上，貼滿一行五格便有奬勵。囡囡最愛到吉之島歡樂天地騎木馬，玩機動遊戲。有一次，她自己從櫃裡取出貼紙，把表格貼得滿滿的，嚷著要騎馬馬，詭計自然不得逞。
她最擅長表達情緒的方法有三，一是哭，每當做錯事或被爸媽責備時便先下手為強，聲淚俱下的，但慢慢的這招沒什效力了；第二招是嘟長嘴巴，一臉不開心的樣子，這方式也不知她從何學回來，是模彷同學吧。第三招就是哄頭嘟嘴主動親吻爸媽，有時她真的是開心，但更多時是剛做錯事，大獻殷勤想討爸媽歡顏。
最令老父錯愕的有兩件事：一是以前囡囡做錯事，最常的懲戒是要她罰企讀數字。早幾天，她實在激得媽媽太過了，媽媽把她拖出門外罰企，那次她哭得很厲害。以後她每有不安份，我都說要罰她在門外企，她都很委屈的苦口苦面地說不。怎料昨天囡囡竟因做錯事而主動提出到門外罰企，而且一點兒也沒有哭。二是昨天準備出街前，愛妻與囡囡更衣，找不到囡囡的黑色外套，問我知不知在那裡，我當然不知，怎料囡囡竟然搭嘴，說放在書包裡。愛妻半信半疑的，怎料那黑外套真的是齊齊整整的放在書包內，不是我放也不是愛妻放，還有誰放呢？
這陣子天氣反覆，她又流鼻水，晚上更有點咳嗽。醫生開了多種葯水，當中止咳水的味道大概是比較苦，每次食葯，囡囡都會抽出咳葯水說：《苦呀，唔食呀。》當不想返學時更說：《流鼻涕，唔返學》。
愛妻為囡囡做了張行為表，每有好表現，便給囡囡貼紙，讓她自行貼上，貼滿一行五格便有奬勵。囡囡最愛到吉之島歡樂天地騎木馬，玩機動遊戲。有一次，她自己從櫃裡取出貼紙，把表格貼得滿滿的，嚷著要騎馬馬，詭計自然不得逞。
她最擅長表達情緒的方法有三，一是哭，每當做錯事或被爸媽責備時便先下手為強，聲淚俱下的，但慢慢的這招沒什效力了；第二招是嘟長嘴巴，一臉不開心的樣子，這方式也不知她從何學回來，是模彷同學吧。第三招就是哄頭嘟嘴主動親吻爸媽，有時她真的是開心，但更多時是剛做錯事，大獻殷勤想討爸媽歡顏。
最令老父錯愕的有兩件事：一是以前囡囡做錯事，最常的懲戒是要她罰企讀數字。早幾天，她實在激得媽媽太過了，媽媽把她拖出門外罰企，那次她哭得很厲害。以後她每有不安份，我都說要罰她在門外企，她都很委屈的苦口苦面地說不。怎料昨天囡囡竟因做錯事而主動提出到門外罰企，而且一點兒也沒有哭。二是昨天準備出街前，愛妻與囡囡更衣，找不到囡囡的黑色外套，問我知不知在那裡，我當然不知，怎料囡囡竟然搭嘴，說放在書包裡。愛妻半信半疑的，怎料那黑外套真的是齊齊整整的放在書包內，不是我放也不是愛妻放，還有誰放呢？
2009年2月20日 星期五
上班前的對話
每天上班前，都要囡囡送別。
每天都是說著同樣的事，問著同樣的問題：
ＢＢ乖唔乖？
ＢＢ幾多歲？
ＢＢ叫咩野名？
ＢＢ親唔親爸爸媽媽？
ＢＢ鍾意王子多的定爸爸多的？（她最愛看仙履奇緣／白雪公主 － 王子呀）
ＢＢ鍾意皇宫多的定屋企多的？（皇宫 － 好靚呀）
爸爸叫咩野名？（近星期才開始問）
媽咪叫咩野名？（近星期才開始問）
這幾個月來，多數的答案是：
乖。（討好）
ＴＷＯ，兩歲。（充滿信心）
Ｗ Ｙ Ｎ。（羞怯地）
親。（油腔滑調）
爸爸！（好肉緊）
屋企！（不猶疑）
？？？？？？（沉默）
？？？？？？（不語）
每天都要教他爸爸媽媽的名字，有時她會跟著說，有時卻愛理不理。
怎料，今天又有驚喜，當問到爸爸的名字時，她隨口便說Ｗ Ｃ Ｗ，再問媽媽名，她又即答Ｆ Ｈ Ｋ。
昨天還是一片空白，今天卻對答如流，小孩的進步及成長，真的不可輕視。
每天都是說著同樣的事，問著同樣的問題：
ＢＢ乖唔乖？
ＢＢ幾多歲？
ＢＢ叫咩野名？
ＢＢ親唔親爸爸媽媽？
ＢＢ鍾意王子多的定爸爸多的？（她最愛看仙履奇緣／白雪公主 － 王子呀）
ＢＢ鍾意皇宫多的定屋企多的？（皇宫 － 好靚呀）
爸爸叫咩野名？（近星期才開始問）
媽咪叫咩野名？（近星期才開始問）
這幾個月來，多數的答案是：
乖。（討好）
ＴＷＯ，兩歲。（充滿信心）
Ｗ Ｙ Ｎ。（羞怯地）
親。（油腔滑調）
爸爸！（好肉緊）
屋企！（不猶疑）
？？？？？？（沉默）
？？？？？？（不語）
每天都要教他爸爸媽媽的名字，有時她會跟著說，有時卻愛理不理。
怎料，今天又有驚喜，當問到爸爸的名字時，她隨口便說Ｗ Ｃ Ｗ，再問媽媽名，她又即答Ｆ Ｈ Ｋ。
昨天還是一片空白，今天卻對答如流，小孩的進步及成長，真的不可輕視。
2009年2月16日 星期一
《我好叻呀》《我好靚呀》
近日囡囡講得最多的有兩句話。
《我好叻呀》是其一。每逢有什麼新事物她學會了，都會驕傲地說《我好叻呀》，有時就算是畫虎不成，她仍是會講《我好叻呀》。當她做對了些什麼，想要向媽咪邀功或想引起媽咪注意時，更多是說《媽咪，我好叻呀》。
《我好叻呀》是其一。每逢有什麼新事物她學會了，都會驕傲地說《我好叻呀》，有時就算是畫虎不成，她仍是會講《我好叻呀》。當她做對了些什麼，想要向媽咪邀功或想引起媽咪注意時，更多是說《媽咪，我好叻呀》。
《我好叻呀》
第二句是《好靚呀》。每當見到些美好的事物，而她心情也不錯時，便會說《好靚呀》。最近常看的卡通是和路狄士尼的仙履奇緣，她最愛看到皇宫，見到卡通上的皇宫時便高聲叫《好靚呀》，見到南瓜變成的馬車又是輕叫《好靚呀》。不單如此，每當穿上新衣裳，穿上新鞋子或戴上頭飾髮夾之類，更會講《我好靚呀》，然後會跑到鏡子前觀看，自我陶醉。
《我好靚呀》
從《我好叻呀》《我好靚呀》這兩句，可見囡囡的心智和認知又更進一步，不再是簡單的飯來張嘴，滿足基本需求的階段，也不是百分之一百的計聽計從了。她開始有希望，有要求，有思想。以後跟她溝通，再不只是簡單的ＢＢ話，更要的是小心謹慎，講條件，訂賞罰，動之以情，說之以理。
2009年2月12日 星期四
2009年2月4日 星期三
雞肋變雞骨
今日（３／２／０９）終於的起心肝，送左碟炒鮮魷俾個賓賓食。
老婆睇住佢執包袱，越睇越佩服，佢去年十月初先到埗，當時只係帶住一件行李。至今未足四個月，執埋執埋竟然有六大件咁多。
之所以咁決斷，因關係到囡囡的人身安全。早上十點都未夠，愛妻打電話求救兼申訴，話賓賓用廁所門夾親囡囡既手指，兩隻手指又瘀又腫。愛妻當時情急，推開左賓賓，攬實囡囡，質問賓賓點解會咁，佢竟然話唔知，並且一的歉意都無。
事關重大，叫愛妻即時車囡囡到醫院急症室。在醫院同愛妻囡囡匯合時，見囡囡在車內笑著向我伸展手指，便放心了大半，再細心檢查後，自己可斷定只是皮肉之苦，囡囡手指並無骨折內傷，於是連急症也不用看。草草吃過中午飯，便驅車回家叫賓賓執包袱。
冰涷三尺非一日之寒，其實想炒賓賓好耐，但佢擺明就係雞肋，食之無味，棄之可惜。要數佢的衰野真係有排數。
佢去年十月八號抵港，九號到女佣介紹公司接佢時，心中已打個突，佢真人同我印像中既形像容貌相距甚遠。我們揀佢，只因相片同短片中既佢相貌比較端正，而且笑容可掬。點知真人竟然係苦口苦面，瘦瘦削削，樣衰衰咁。個口重好臭添，唔係亂講野果種口臭，而係真真正正既個口有陣臭除。
以貎取人，失諸子羽，但有時單憑樣貎真係可以準確相人既。日常工作佢會做，但又唔係做得咁妥當。做人又唔會主動，講野鬼食泥咁，都唔知佢講乜。愛妻重以為搵個大學畢業既賓賓湊囡囡，等囡囡多的接觸英文，如果囡囡學埋佢咁鬼食泥，就多得佢唔少咯。
話佢唔得主動好似唔多對。佢打斧頭就好主動啦。除左去超巿有單有據佢無計，一去菜巿場佢就生咯，二十蚊一條魚佢報三十蚊數，要佢買二十蚊既佢就整條十五蚊既番黎。不過去街巿唔打斧頭會雷公劈既，算啦，但好心佢打完斧頭都做好的補番數丫，佢偏偏蒸條魚俾我地食到一口魚鱗，話佢，好得幾日，之後又故技重施，故態復萌，真係呢幾個月食既魚鱗，呢世仔都食唔到咁多。
普通既家務，唔提點佢都唔掂。有次抹書架，同我打爛左個千幾蚊既玉石擺設，好彩係流野唔係真古董唧。佢抹地會抹完重係咁污糟，燙褲會每隻腳送多一條骨。廚房抽油煙機油立立咁，唔知佢係咪想証明佢好守規矩，時常都有用抽油煙機。洗菜洗葱係原顆放在水喉下沖下就算。菜頰入面藏污納垢，唔知佢知唔知，結果當然係魚鱗同泥沙相輝映。的生果提子洗完後，佢重識用原來的膠袋裝番放回雪櫃，好有手尾，但原來既膠袋係好污糟辣撻架，大姐。的隔夜餸佢永遠唔會跟住第二日整番黎食。提佢，咪整囉，但攞在餐枱上從無見佢食，佢就真係好識揀飲擇食。更多時候係幾日後攞出黎倒掉。有一次囡囡愛妻同我齊齊肚痾，佢就安然無恙，我估都係同佢整的野污糟有關，佢無痾，只不過係佢污糟慣，抵抗力好啩。
有朝叫佢煎蘿葡糕當早餐，佢好聽話成底蘿葡糕煎晒後，重依舊整幾塊多士添，真係慌死你食唔飽。
咁多問題，我地都只係高調叮囑吩咐指示出警告信，除此外，就係忍。但關係到囡囡安全就是可忍孰不可忍矣。前一日，愛妻同佢入地鐡站下樓時已差點出事。佢地一人一邊提著嬰兒車，囡囡安坐其中，點知呢個賓賓一的力都唔出，愛妻不知就裡，用力一提，車便向賓賓那邊傾側，囡囡差點連人帶車滾下樓梯。當時愛妻已很惱怒，想炒佢，怎知一時猶疑，今日便差點兒斷送了囡囡的兩隻手指。
雞肋頓時變成雞骨，雞肋就話食之無味，棄之可惜。雞骨重使乜考慮，炒之而後快啦。
老婆睇住佢執包袱，越睇越佩服，佢去年十月初先到埗，當時只係帶住一件行李。至今未足四個月，執埋執埋竟然有六大件咁多。
之所以咁決斷，因關係到囡囡的人身安全。早上十點都未夠，愛妻打電話求救兼申訴，話賓賓用廁所門夾親囡囡既手指，兩隻手指又瘀又腫。愛妻當時情急，推開左賓賓，攬實囡囡，質問賓賓點解會咁，佢竟然話唔知，並且一的歉意都無。
事關重大，叫愛妻即時車囡囡到醫院急症室。在醫院同愛妻囡囡匯合時，見囡囡在車內笑著向我伸展手指，便放心了大半，再細心檢查後，自己可斷定只是皮肉之苦，囡囡手指並無骨折內傷，於是連急症也不用看。草草吃過中午飯，便驅車回家叫賓賓執包袱。
冰涷三尺非一日之寒，其實想炒賓賓好耐，但佢擺明就係雞肋，食之無味，棄之可惜。要數佢的衰野真係有排數。
佢去年十月八號抵港，九號到女佣介紹公司接佢時，心中已打個突，佢真人同我印像中既形像容貌相距甚遠。我們揀佢，只因相片同短片中既佢相貌比較端正，而且笑容可掬。點知真人竟然係苦口苦面，瘦瘦削削，樣衰衰咁。個口重好臭添，唔係亂講野果種口臭，而係真真正正既個口有陣臭除。
以貎取人，失諸子羽，但有時單憑樣貎真係可以準確相人既。日常工作佢會做，但又唔係做得咁妥當。做人又唔會主動，講野鬼食泥咁，都唔知佢講乜。愛妻重以為搵個大學畢業既賓賓湊囡囡，等囡囡多的接觸英文，如果囡囡學埋佢咁鬼食泥，就多得佢唔少咯。
話佢唔得主動好似唔多對。佢打斧頭就好主動啦。除左去超巿有單有據佢無計，一去菜巿場佢就生咯，二十蚊一條魚佢報三十蚊數，要佢買二十蚊既佢就整條十五蚊既番黎。不過去街巿唔打斧頭會雷公劈既，算啦，但好心佢打完斧頭都做好的補番數丫，佢偏偏蒸條魚俾我地食到一口魚鱗，話佢，好得幾日，之後又故技重施，故態復萌，真係呢幾個月食既魚鱗，呢世仔都食唔到咁多。
普通既家務，唔提點佢都唔掂。有次抹書架，同我打爛左個千幾蚊既玉石擺設，好彩係流野唔係真古董唧。佢抹地會抹完重係咁污糟，燙褲會每隻腳送多一條骨。廚房抽油煙機油立立咁，唔知佢係咪想証明佢好守規矩，時常都有用抽油煙機。洗菜洗葱係原顆放在水喉下沖下就算。菜頰入面藏污納垢，唔知佢知唔知，結果當然係魚鱗同泥沙相輝映。的生果提子洗完後，佢重識用原來的膠袋裝番放回雪櫃，好有手尾，但原來既膠袋係好污糟辣撻架，大姐。的隔夜餸佢永遠唔會跟住第二日整番黎食。提佢，咪整囉，但攞在餐枱上從無見佢食，佢就真係好識揀飲擇食。更多時候係幾日後攞出黎倒掉。有一次囡囡愛妻同我齊齊肚痾，佢就安然無恙，我估都係同佢整的野污糟有關，佢無痾，只不過係佢污糟慣，抵抗力好啩。
有朝叫佢煎蘿葡糕當早餐，佢好聽話成底蘿葡糕煎晒後，重依舊整幾塊多士添，真係慌死你食唔飽。
咁多問題，我地都只係高調叮囑吩咐指示出警告信，除此外，就係忍。但關係到囡囡安全就是可忍孰不可忍矣。前一日，愛妻同佢入地鐡站下樓時已差點出事。佢地一人一邊提著嬰兒車，囡囡安坐其中，點知呢個賓賓一的力都唔出，愛妻不知就裡，用力一提，車便向賓賓那邊傾側，囡囡差點連人帶車滾下樓梯。當時愛妻已很惱怒，想炒佢，怎知一時猶疑，今日便差點兒斷送了囡囡的兩隻手指。
雞肋頓時變成雞骨，雞肋就話食之無味，棄之可惜。雞骨重使乜考慮，炒之而後快啦。
訂閱：
文章 (Atom)