在杏花邨回家途中, 愛妻駕駛分了心, 車子左右微擺了一下, 我說她像在大海裡駛小船一樣, 左搖右擺.
怎料囡囡這時搭嘴說: 我大個女 [手查] 車唔會好似 [手查] 船一樣, 我會 [手查] 得好慢既.
2009年9月28日 星期一
2009年9月25日 星期五
2009年9月24日 星期四
籌劃假期
還有兩星期，老妻便密鑼緊鼓的去籌備節目。其中一環，其實一早已計劃好，就是回青島她的老家，跟她媽媽做大壽。說來真巧，今年囡囡的陽曆生日跟她姥姥的陰曆生日剛好就是在同一天。一老一少齊開生日會，不可謂不熱鬧。雖然如此，但都不用我操心，想操心也不能，人地生疏，鞭長莫及呀！
到青島，前後七天，横跨我假期的第二及第三個星期。那假期的首週呆在家中發霉？愛妻也不是等閒之輩，一下子便找到節目。到老鼠樂園玩兩天。
到青島的前期工作由愛妻負責，到老鼠樂園的統籌自然由我一力承擔（但背後仍被愛妻監督，想吞卜不易）。玩兩天意味著要住老鼠酒店一晚。上網了解一切消費，包括入場酒店饍食。一句講晒，大出血，樣樣都係貴賓式消費，貴！計下數，愛妻出主意，兩人買一年入場通行證，因用一年入場通行證預訂酒店，打六五折，除笨有精。手起刀落，即時網上訂票。搞掂，通行證到手後，再訂酒店，水到渠成。
唔怕你精，唔怕你呆，最怕你唔來。這是老鼠樂園的陰謀。大話怕計數。兩張通行證，多謝千三大洋；酒店俾埋六五折，四人房間多謝一四三零；賓賓入場三五零，好彩囡囡未夠三歲，免費，賺番多少。唔食唔飲，兩天最低消費全部盛惠三零捌零。計埋飲飲食食，睇怕過四咯，鬼叫佢提供既係貴賓式消費咩。
一年入場通行證，唔通去一次算數咩，咁去一次斬一次，難怪老鼠樂園真係咁發啦。
好彩，原先到青島住酒店的計劃告吹，返番屋企住，一來一回，錢銀方面都可以打過和，但多兩日玩，算係玩得過啦。
最開心的必定係囡囡，唔使返學有得玩，佢一定會玩到心花怒放咯。
假期過後大把野係呢度寫，ＦＡＮＳ小心留意影期啦。
2009年9月18日 星期五
童言
囡囡: 我係中國人, 媽媽係中國人, 爸爸爸唔係中國人.
老父: 點解?
囡囡: 因為你的頭髮唔係黑色.
++++++++++++++++++++
囡囡: 你睇, 有好多煙囪
老父: 煙囪係要黎做乜架?
囡囡: 係俾的豺狼入去食的羊
+++++++++++++++++++++
囡囡: Jona 姐姐唔聽話,
老父: 咁點呀?
囡囡: 送佢返菲律賓.
++++++++++++++++++++++
老父: B B 最怕邊個鬧?
囡囡: 媽媽 I love you.
老父: 爸爸問你最怕邊個鬧.
囡囡: 媽媽唔會鬧我既.
++++++++++++++++++++++
老父: B B ............
囡囡: 我唔係 B B 喇, 我大個女啦, 我係姐姐.
老父: 咁邊個係 B B
囡囡: 陳子欣. (隣居女孩)
+++++++++++++++++++++++
囡囡: 我要痾屎
愛妻: 爸爸去定媽媽去 (爸爸幫你去洗手間定媽媽幫你去)
囡囡: B B 去
++++++++++++++++++++++++
星期日, 隔壁的賓妹一早來我家跟 Jona 一起外出渡假
囡囡問媽媽: Jona 姐姐佢地係咪結婚呀?
+++++++++++++++++++++++++
在家, 囡囡要抱
老父: 點解要爸爸抱
囡囡: 因為你親
在商場, 囡囡要抱
老父: 點解要爸爸抱
囡囡: 因為我懶
+++++++++++++++++
老父: 點解?
囡囡: 因為你的頭髮唔係黑色.
++++++++++++++++++++
囡囡: 你睇, 有好多煙囪
老父: 煙囪係要黎做乜架?
囡囡: 係俾的豺狼入去食的羊
+++++++++++++++++++++
囡囡: Jona 姐姐唔聽話,
老父: 咁點呀?
囡囡: 送佢返菲律賓.
++++++++++++++++++++++
老父: B B 最怕邊個鬧?
囡囡: 媽媽 I love you.
老父: 爸爸問你最怕邊個鬧.
囡囡: 媽媽唔會鬧我既.
++++++++++++++++++++++
老父: B B ............
囡囡: 我唔係 B B 喇, 我大個女啦, 我係姐姐.
老父: 咁邊個係 B B
囡囡: 陳子欣. (隣居女孩)
+++++++++++++++++++++++
囡囡: 我要痾屎
愛妻: 爸爸去定媽媽去 (爸爸幫你去洗手間定媽媽幫你去)
囡囡: B B 去
++++++++++++++++++++++++
星期日, 隔壁的賓妹一早來我家跟 Jona 一起外出渡假
囡囡問媽媽: Jona 姐姐佢地係咪結婚呀?
+++++++++++++++++++++++++
在家, 囡囡要抱
老父: 點解要爸爸抱
囡囡: 因為你親
在商場, 囡囡要抱
老父: 點解要爸爸抱
囡囡: 因為我懶
+++++++++++++++++
2009年9月15日 星期二
再見BB face
還有個多月才是囡囡三歲的生日了. 但看她的模樣, 慢慢的己不再BABY FACE, 而是不折不扣的女童.
外貎如是, 內裡也同步地變. 現時的囡囡, 基本的溝通完全無問題, 一問一答, 一答一問, 有板有眼的, 喜愛時, 說說普通話, 朗誦唐詩, 高興時唱唱英文歌, 甚至嘰嘰喳喳的胡說一通. 她的記憶力應該不差, 會唸的唐詩不少, 認26 個英文字母太易了, 一至十的數字難不了她, 現在還開始學簡單的中文字. 她大概也有說英文的天份, 日常生活中很多事物的英文名稱她都會, 顏色紅黃藍白黑的英文很多個月前她己掌握了, 唸數字英文可唸到十幾吧, 中文則可唸到二三十了.
今天囡囡臨睡前又要聽故事, 她有一樣好, 就是一段時間內都要聽同一個故事, 前幾晚她都是點怪獸 Gruffalo 的故事, 今天也不例外, 老父剛說到小老鼠在又大又黑的森林散步時, 她突然爆了句英文 stroll through the deep dark wood. 說到怪獸 Gruffalo 話小老鼠好食, 她又答嘴說 don't call me good. 這是一本英文故事書, 老父習慣了有時先唸一段英文, 才用中文說一遍, 也從未有刻意教囡囡, 想不到她會記下來,
囡囡也開始多愁善感, 有時會問爸爸媽媽重愛唔愛佢, 有時卻問爸爸媽媽愛唔愛第二個BB, 愛唔愛黃曉晴, 愛唔愛林子欣, 黃曉晴林子欣都是隣居的小女孩.
早幾天, 囡囡突然說想見表哥表姊哥哥姐姐叔叔伯伯嫲嫲婆婆, 老父答不如開生日會請佢地0黎, 想不到囡囡說要去青島開生日會, 是愛妻較早時對她說過吧.
最可貴的還是囡囡的好學每事問, 當說到約怪獸在小溪見面, 在湖邊見面, 囡囡便會問咩叫小溪, 咩叫湖邊, 愛妻出街囡囡會問媽媽去邊, 說去返學時又會問做乜返學. 總之少些想像也不懂得用她的語言程度解答, 令她明白, 幸好爸爸有小聰明, 囡囡問咩叫森林, 教了她, 現在反問她時, 她會說森林好多樹, 多到數唔晒.
三歲未到的囡囡, 也愛上玩棋盤遊戲, 飛行棋啦, 大格鬥啦, 駁水管啦, 最好玩的還是拉疊高的木方塊, 她小心翼翼的把方塊拉出, 但輸的還是她最多, 可囡囡也認真的跟遊戲規則做, 開開心心的跳到杯櫃旁, 罸企唸唐詩. 囡囡最愛的遊戲還有食毒蘋果, 她扮白雪公主, 要老父拿緊拳頭當蘋果給她吃, 然後瞓低, 轟隆一聲不醒人事, 要爸爸扮白馬王子去親她, 然後又好神奇地醒過來. 有時角色互調, 老父也有做公主的時候.
唯一不變的是囡囡整天都纒著老父要抱,在家如是, 出外如是, 人長大了, 長高了, 體重也增了, 對此老父又愛又怕, 愛的是那份溫馨體貼, 怕的是天天都弄得老父疲憊不堪. 更怕的是囡囡太重了,老父難以負荷, 最怕的是囡囡不要老父抱, 真矛盾.
開心的事多, 時間過得也快, 終有一天轉眼間她便變成亭亭玉立的女孩, 老父那時真的很老了.
外貎如是, 內裡也同步地變. 現時的囡囡, 基本的溝通完全無問題, 一問一答, 一答一問, 有板有眼的, 喜愛時, 說說普通話, 朗誦唐詩, 高興時唱唱英文歌, 甚至嘰嘰喳喳的胡說一通. 她的記憶力應該不差, 會唸的唐詩不少, 認26 個英文字母太易了, 一至十的數字難不了她, 現在還開始學簡單的中文字. 她大概也有說英文的天份, 日常生活中很多事物的英文名稱她都會, 顏色紅黃藍白黑的英文很多個月前她己掌握了, 唸數字英文可唸到十幾吧, 中文則可唸到二三十了.
今天囡囡臨睡前又要聽故事, 她有一樣好, 就是一段時間內都要聽同一個故事, 前幾晚她都是點怪獸 Gruffalo 的故事, 今天也不例外, 老父剛說到小老鼠在又大又黑的森林散步時, 她突然爆了句英文 stroll through the deep dark wood. 說到怪獸 Gruffalo 話小老鼠好食, 她又答嘴說 don't call me good. 這是一本英文故事書, 老父習慣了有時先唸一段英文, 才用中文說一遍, 也從未有刻意教囡囡, 想不到她會記下來,
囡囡也開始多愁善感, 有時會問爸爸媽媽重愛唔愛佢, 有時卻問爸爸媽媽愛唔愛第二個BB, 愛唔愛黃曉晴, 愛唔愛林子欣, 黃曉晴林子欣都是隣居的小女孩.
早幾天, 囡囡突然說想見表哥表姊哥哥姐姐叔叔伯伯嫲嫲婆婆, 老父答不如開生日會請佢地0黎, 想不到囡囡說要去青島開生日會, 是愛妻較早時對她說過吧.
最可貴的還是囡囡的好學每事問, 當說到約怪獸在小溪見面, 在湖邊見面, 囡囡便會問咩叫小溪, 咩叫湖邊, 愛妻出街囡囡會問媽媽去邊, 說去返學時又會問做乜返學. 總之少些想像也不懂得用她的語言程度解答, 令她明白, 幸好爸爸有小聰明, 囡囡問咩叫森林, 教了她, 現在反問她時, 她會說森林好多樹, 多到數唔晒.
三歲未到的囡囡, 也愛上玩棋盤遊戲, 飛行棋啦, 大格鬥啦, 駁水管啦, 最好玩的還是拉疊高的木方塊, 她小心翼翼的把方塊拉出, 但輸的還是她最多, 可囡囡也認真的跟遊戲規則做, 開開心心的跳到杯櫃旁, 罸企唸唐詩. 囡囡最愛的遊戲還有食毒蘋果, 她扮白雪公主, 要老父拿緊拳頭當蘋果給她吃, 然後瞓低, 轟隆一聲不醒人事, 要爸爸扮白馬王子去親她, 然後又好神奇地醒過來. 有時角色互調, 老父也有做公主的時候.
唯一不變的是囡囡整天都纒著老父要抱,在家如是, 出外如是, 人長大了, 長高了, 體重也增了, 對此老父又愛又怕, 愛的是那份溫馨體貼, 怕的是天天都弄得老父疲憊不堪. 更怕的是囡囡太重了,老父難以負荷, 最怕的是囡囡不要老父抱, 真矛盾.
開心的事多, 時間過得也快, 終有一天轉眼間她便變成亭亭玉立的女孩, 老父那時真的很老了.
2009年9月7日 星期一
雜碎
同事投訴我無出blog 好耐, 其實使乜咁認真呀? 搞到親身黎口頭質詢,
搞個blog又無錢收, 又要時間寫野, 又要出賣屋企人以至自己既私隱, 有時重要錄音錄影搞埋數碼, 都好鬼麻煩既,
除左有個地盤可以亂up一通, 隨便發洩下外, 重有乜著數呢? 我又唔係陶傑, 字字千金, 白做, 真係支出與收入不相稱, 老廉幾時請下我飲咖啡? 唔係因為我收規呀! 係因為呢blog 無收入, 連杯咖啡都飲唔起咋., 可憐下啦, 老廉!
自己假假地都係一個藉藉無聞既高官, 官場文化, 投訴喎, 唔應唔得, 今日不如炒下雜碎, 虛應下故事啦.
有個同事早前又話得到今年度既最傑出員工奬, 問我攞禮物喎. 唉, 上台講幾句, 具名多謝呢個多謝果個, 講到我果 part 就 隱隱晦晦的, 唔好話講名, 就連少少提示都無, 人地想估都估唔到啦. 不過, 呢的虛名我唔恨既, 最緊要就係以前曾經確確實實的影响過呢位同事, 種善因, 得善果, 好人自有好報既. 講番禮物呢筆, 我最怕就係送禮物, 要送得合適得體, 要送得時間岩岩好, 係一門大學問, 我才疏學淺, 睇怕點鑽研都不及其皮毛, 與其求求其其, 不如唔送咯. (送禮我唔在行啫, 搵藉口卻係我既強項) 不如咁啦, 我度緊講下我地呢行果的大學生既英文, 題目都已經度埋, 叫 EnglAIRS, 從AIRS (Advanced Incident Report System) 中睇佢地的英文咁解, 佢地的英文好好, 好多值得借鏡學習既地方? 緊唔係啦, 係從佢地既錯誤中學習就真, 一於係我講呢的野既時候提下呢位同事, 作為鼓勵啦.
又有位同事問我呢排係唔係無打機, 因為我長期在排名榜佔頭位既分數已被佢(佢個仔)取代了, 我就緊係回答話無時間玩啦. 其實玩呢的遊戲想要玩到高分, 一命二運三風水, 四有時間五肯玩, 最後先講到技術(如果有的話). 呢兩日假期, 我日砌夜砌, 日打夜打, 結果就不如人意, 硬係扒唔到頭佔唔番領導地位, 俾人問起, 唯有繼續話近日好忙, 無時間玩啦.. 到爭番首位時, 自然另有回應: 好易玩架, 一玩就俾我霸番頭位啦.
又講下豬流感, 由一開始我已經月旦香港的對策及措施, 但香港到而家重係度苟延殘喘, 可能係玩大左唔知點收科啦., 豬流感點會消失丫, 以後會千秋萬世, 與人同在, 共世永存既, 而家暑假完左又一波黎緊, 靠的庸碌官員, 不食人間煙火既專家, 重難收科啦. 區區感冒, 小病而矣, 但香港投放既資源, 財力物力人力, 就好似我寫呢個blog 咁, 與整體的醫療成效不相符, 重繼續黎, 幾時方休, 欲語還休, 但說天涼好過秋.
至於工作間既人事興替, 吾無語, 只借古人話
【先進于禮樂, 野人也; 後進于禮樂, 君子也., 如用之, 則吾從先進.】
『不知三軍之事而同三軍之政, 則軍士惑矣.
不知三軍之權而同三軍之任, 則軍士疑矣.』
「太上, 不知有之;
其次, 親而譽之;
其次, 畏之;
其次, 侮之;
信不足焉, 有不信焉.
悠兮其貴言.
功成, 事遂,
百姓皆謂:: 我自然.」
搞個blog又無錢收, 又要時間寫野, 又要出賣屋企人以至自己既私隱, 有時重要錄音錄影搞埋數碼, 都好鬼麻煩既,
除左有個地盤可以亂up一通, 隨便發洩下外, 重有乜著數呢? 我又唔係陶傑, 字字千金, 白做, 真係支出與收入不相稱, 老廉幾時請下我飲咖啡? 唔係因為我收規呀! 係因為呢blog 無收入, 連杯咖啡都飲唔起咋., 可憐下啦, 老廉!
自己假假地都係一個藉藉無聞既高官, 官場文化, 投訴喎, 唔應唔得, 今日不如炒下雜碎, 虛應下故事啦.
有個同事早前又話得到今年度既最傑出員工奬, 問我攞禮物喎. 唉, 上台講幾句, 具名多謝呢個多謝果個, 講到我果 part 就 隱隱晦晦的, 唔好話講名, 就連少少提示都無, 人地想估都估唔到啦. 不過, 呢的虛名我唔恨既, 最緊要就係以前曾經確確實實的影响過呢位同事, 種善因, 得善果, 好人自有好報既. 講番禮物呢筆, 我最怕就係送禮物, 要送得合適得體, 要送得時間岩岩好, 係一門大學問, 我才疏學淺, 睇怕點鑽研都不及其皮毛, 與其求求其其, 不如唔送咯. (送禮我唔在行啫, 搵藉口卻係我既強項) 不如咁啦, 我度緊講下我地呢行果的大學生既英文, 題目都已經度埋, 叫 EnglAIRS, 從AIRS (Advanced Incident Report System) 中睇佢地的英文咁解, 佢地的英文好好, 好多值得借鏡學習既地方? 緊唔係啦, 係從佢地既錯誤中學習就真, 一於係我講呢的野既時候提下呢位同事, 作為鼓勵啦.
又有位同事問我呢排係唔係無打機, 因為我長期在排名榜佔頭位既分數已被佢(佢個仔)取代了, 我就緊係回答話無時間玩啦. 其實玩呢的遊戲想要玩到高分, 一命二運三風水, 四有時間五肯玩, 最後先講到技術(如果有的話). 呢兩日假期, 我日砌夜砌, 日打夜打, 結果就不如人意, 硬係扒唔到頭佔唔番領導地位, 俾人問起, 唯有繼續話近日好忙, 無時間玩啦.. 到爭番首位時, 自然另有回應: 好易玩架, 一玩就俾我霸番頭位啦.
又講下豬流感, 由一開始我已經月旦香港的對策及措施, 但香港到而家重係度苟延殘喘, 可能係玩大左唔知點收科啦., 豬流感點會消失丫, 以後會千秋萬世, 與人同在, 共世永存既, 而家暑假完左又一波黎緊, 靠的庸碌官員, 不食人間煙火既專家, 重難收科啦. 區區感冒, 小病而矣, 但香港投放既資源, 財力物力人力, 就好似我寫呢個blog 咁, 與整體的醫療成效不相符, 重繼續黎, 幾時方休, 欲語還休, 但說天涼好過秋.
至於工作間既人事興替, 吾無語, 只借古人話
【先進于禮樂, 野人也; 後進于禮樂, 君子也., 如用之, 則吾從先進.】
『不知三軍之事而同三軍之政, 則軍士惑矣.
不知三軍之權而同三軍之任, 則軍士疑矣.』
「太上, 不知有之;
其次, 親而譽之;
其次, 畏之;
其次, 侮之;
信不足焉, 有不信焉.
悠兮其貴言.
功成, 事遂,
百姓皆謂:: 我自然.」
訂閱：
文章 (Atom)